المرايا وطاقة المكان
المرايا طبعا من الأشياء المهمة التي لا يمكن الاستغناء عنها
واول شئ احب أاكد عليه هو انه عند الوقوف أمام المرايا نتذكر دعاء المرايا الذي اوصانا به رسولنا الكريم :-
"اللهم كما حسنت خَلقي فأحسن خُلقي "
احنا بالدعاء ده بنتقي شر المرايا .
ايه ده هي المرايا شر🤔🤔🤔🤔
اه طبعا وهقولكم ازاي ....
المرايا بتخزن طاقة الاحداث اللي بتقع أمامها يعني لو خلاف بتخزن طاقة الخلاف ده ودي بتكون طاقة سلبية ولو فرح اه بتخزن أحداثه ودي طاقة ايجابيه بس بكده هي بتكون مخزنة احداث كتير جدااا سلبي وايجابي ولأن من خواص المرايا الانعكاس فهي بتعكس الطاقة دي علي البيت تاني فتخلي طاقة البيت مش مضبوطة .
عشان كده احنا محتاجين نعرف افضل اماكن وضع المرايا في البيت وازاي ننظف طاقة المرايا دي من الاحداث اللي شهدتها .
كمان في حاجه مهمه لازم ناخد بالنا منها وهنحتاج فيها موضوع تنظيف طاقة المرايا وهي لو اضطرتنا الظروف ناخد مرايا كانت في بيت تاني لأنها طبعا هتكون محزنه طاقات البيت ده ونتفاجئ بأحداث ومشاكل في البيت منبقاش عارفين سببها
.معقول الكلام ده !!!!
اه معقول جدا ده بقي علم وبيتدرس دلوقتي اسمه طاقة البيت او طاقة المكان وناس كتيررر من مهندسين الديكور بيدرسوه عشان يحققوا طاقة افضل للمكان من خلال ترتيب الأثاث وده هنتكلم فيه أن شاء الله بالتفصيل في بوستات لاحقه
طيب نيجي بقي لعلاقة المرايا بطاقة البيت .
اولا أفضل الأماكن اللي نحط فيه المرايا هي الريسيبشن أو غرفة استقبال الضيوف دي نحط فيها مرايات زي مانحب
طيب باقي غرف البيت ؟؟ 🙄🙄🙄🙄
غرفة النوم وغرف نوم الاطفال
لايفضل فيها أن تكون المرايا مواجهه للنائم يعني متكونش صورتكم وانتم نايمين في المرايا .
طيب ليه ؟؟؟
لأن طاقة النوم طاقة سلبيه
ايووون وانت نايم بتكون في حالة طاقة سلبيه فبكده المرايا بتخزن طاقتك السلبيه لو انت نايم بمواجهتها
طيب الحل ايه لو ده ترتيب الاوضة وماينفعش لغيره ؟؟
غطي المرايا قبل ما تنام
اه والله بجد
وبلاش نستغرب أو نقول ايه الكلام الغريب ده
دي علوم بتدرس دلوقتي
عشان كده زمااااان كانت معظم المرايات في ضلف الدولاب من جوه وفي موديلات غرف تلاقي التسريحه جوه الدولاب تتفتح وتتقفل ...عرفتم طبعا دلوقتي ايه السبب .
طيب كده الريسيبشن وغرف النوم عرفنا موقع المرايا فيها .
طيب الحمام 🤔🤔🤔🤔🤔
اقولكم
تبقي موجوده مفيش مشكله بس ماتعكسش قاعدة التواليت ولا تكون كبيرة بحيث تعكس صورة الشخص اللي واقف قدامها كامل لكن تكون صغيرة وفي ركن في الحمام بعيد عن قاعده التواليت وبعيد عن أنها تعكس شكل الشخص أثناء الاستحمام يعني تختاروا لها مكان منزوي أو برضو لو منفعش يبقي تتغطي المرايا أثناء الاستحمام .
طيب تنظيف طاقة المرايا ازاي ؟؟
تكون بفوطة مبللة بماء وملح
او تحطوا قدامها بخور
او تشعلوا أمامها شموع
وطبعا ده يفضل يتعمل كل فترة .
وضروري جداا يتعمل لو اضطريتكم الظروف أن تاخدوا مرايا من بيت اخر .
وده نفس الحال لو اشتريتوا مرايا جديده ماهو احنا منعرفش المرايا دي شهدت أي أحداث .
تحذير بقي مهم
حذاري حذاري من المرايات المكسورة
لو انكسرت المرايا تخلصوا منها فورررا لأنها بتبث طاقة الخسارة وعدم التجديد وده اللي هأكد عليه في بوست عن الاحتفاظ باشياء مكسورة .
ليست هناك تعليقات:
إرسال تعليق